神秘人：「係我呀，食左飯未呀？」
我：「你係邊位？」
神秘人：「唔認得我把聲咩？」
憑著對方「一口唔鹹唔淡」的廣東話，我肯定已被抽中玩「猜猜我是誰」電話遊戲。今天裝滿了一肚子悶氣，正好拿他來發洩一番！
我：「你係 X 頭？」
神秘人：「係…係…」
我：「好 X 掛著你呀！真係唔好意思，上次興奮得滯，X 到你爆肛。乜咁 X 快又想搵我再 X 過呀！話時話，你 d XX 功夫真係一流，如果唔係我耐力夠，頂得順你狂 X 我條 X，真係分分鐘比你 XX。好彩我都唔弱，起勢咁狂 X 番你碌 XXX，實行以其人之道還自其人之身，攪到你企都企唔隱。如果唔係我留手，肯定一回合就攪到你無貨賣。你又死唔認輸，又黎一招「醉僧試劍」，我咪用「擎天一柱」黎還擊囉！你仲同時出埋「哪吒探海」。我即刻重整旗鼓，整個「擺腿架劍」。嘩！你都夠狼死，竟然使出「猛虎撲食」！咁攪法，容乜 X 易比你打亂陣腳架！一於黎個「鷂子翻身」，主動權又落番響我手。你反應都唔慢喎，拿拿林想出「羅漢睡覺」。哈！睇死你都係出呢招，不過你未出招前，已經中左我招「野馬分鬃」，再醒你一個「黃蜂入洞」，最後黎個「揮鞭策馬」。X，真係估你唔到，咁 X 樣嘅情況下你都整倒招「坐馬觀花」，黎個反客為主！話時話，估唔到你果個睇落弱不禁風、又細又窄到死嘅 XX，真係點 X 都得喎，我幾驚 X 兩 X，你個 XX 就散 X 晒。又估唔到我要響你個 XX 入面，施展渾身解數，先可撐到最後。都係多得平時 X 得多，日子有功，先可同你 X 足個幾鐘都無腳軟，不過你最後都係比我強勁嘅 XX KO 左。諗起我地呢場 X 來 X 往，埋牙肉搏嘅打真軍，真係 high 到爆呀！你係咪好 happy，好回味呢？我呢 d 咁難得嘅對手，又真係幾難搵，唔怪得知你咁 X 快又想搵我切磋、切磋。不過我而家唔 X 得閒，X 緊 X 呀，難得有條自動送上門嘅 XX，唔通唔 XX 佢咩！」
如果在您眼中所看到的 X，全變成了性器官及交媾名詞的話，您也未免太好色了！其實，我想寫的是：
我：「你係大頭？」
神秘人：「係…係…」
我：「好鬼掛著你呀！真係唔好意思，上次興奮得滯，打到你爆肛。乜咁鬼快又想搵我再砌過呀！話時話，你 d 拳腳功夫真係一流，如果唔係我耐力夠，頂得順你狂踢我條腿，真係分分鐘比你做底。好彩我都唔弱，起勢咁狂踢番你碌光管腳，實行以其人之道還自其人之身，攪到你企都企唔隱。如果唔係我留手，肯定一回合就攪到你無貨賣。你又死唔認輸，又黎一招「醉僧試劍」，我咪用「擎天一柱」黎還擊囉！你仲同時出埋「哪吒探海」。我即刻重整旗鼓，黎個「擺腿架劍」。嘩！你都夠狼死，竟然使出「猛虎撲食」！咁攪法，容乜鬼易比你打亂陣腳架！一於黎個「鷂子翻身」，主動權又落番響我手。你反應都唔慢喎，拿拿林想出「羅漢睡覺」。哈！睇死你都係出呢招，不過你未出招前，已經中左我招「野馬分鬃」，再醒你一個「黃蜂入洞」，最後黎個「揮鞭策馬」。頂，真係估你唔到，咁鬼樣嘅情況下你都整倒招「坐馬觀花」，黎個反客為主！話時話，估唔到你果個睇落弱不禁風、又細又窄到死嘅擂台，真係點打都得喎，我幾驚打兩打，你個擂台就散鬼晒。又估唔到我要響你個主場入面，施展渾身解數，先可撐到最後。都係多得平時練得多，日子有功，先可同你鬥足個幾鐘都無腳軟，不過你最後都係比我強勁嘅膝撞 KO 左。諗起我地呢場拳來腳往，埋牙肉搏嘅打真軍，真係 high 到爆呀！你係咪好 happy，好回味呢？我呢 d 咁難得嘅對手，又真係幾難搵，唔怪得知你咁鬼快又想搵我切磋、切磋。不過我而家唔鬼得閒，報緊警呀，難得有條自動送上門嘅騙子，唔通唔舉報佢咩！」
